日劇 　　隨住Ｃode Ｂlue劇終，200８夏季日劇亦踏入尾聲 　　綜觀芸芸夏季日劇當中，真係得Ｃode Ｂlue一套較為出色 　　嘗試過睇其他幾套，好似少年形警咁，睇左幾集就頂唔順 　　悶死左，聽聞後段較為精彩，但都無心機再繼續追落去了 　　個人認為小池仲未係做主角既材料．．．無咩壓台感 　　好多人話Ｃode Ｂlue前段好悶，相反我又覺得成套都好精彩0番 　　幾乎每一集都有0的感動位，成日睇到眼濕濕，後尾幾集直頭睇到喊出黎 　　初頭係為左山ぴ而睇，但睇完覺得其他演員做得仲好 　　四位實習醫當中，心水排列係緋山＞四眼仔＞藍澤＞白石 　　戶田愈睇愈順眼，以前睇野豬唔多鍾意佢，而家發覺佢都唔錯 　　反而結衣無Ｍy Ｂoss Ｍy Ｈero時咁眼前一亮，而且佢個角色我唔多鍾意 　　之不過其實個個演員都做得好好，咁0既陣容真係好難得 　　睇個勢似會拍續集，希望真係成事 　　現階段只好期待己落實的２009春天Ｓpecial♡ 　　爭0的唔記得左講今季最Ｇag日劇───３3分偵探 　　初時知道堂本剛闊別四年又再拍劇時真係好興奮 　　畢竟佢而家雖然成個佬咁，但拍劇真係好好睇 　　好懷念佢套金田一少年事件簿．．．話時話佢好似瘦返0的 　　唔睇尤至可，一睇真係嚇左一跳，成套劇只可以用兩個字形容──惡搞 　　估唔到等左咁耐佢會接呢0的片種，但係無無聊聊都幾好笑0既 　　堂本剛，真係永遠都估佢唔到．．．   　　講開戶田，佢真係紅過咩，劇接劇，秋季日劇又有佢 　　黎梗將會出演金⑩劇《流星之絆》，同劇演員有二宮和也同錦戶亮 　　故事講述三兄妹聯手欺詐，無意發現疑似14年前殺害父母的凶手 　　於是展開連串復仇計劃 　　呢套算係整個秋季ｃast最有份量0既一套 　　但我應該唔會睇喇，一來對呢類型故事興趣不大 　　二來我唔鍾意睇二宮和也，諗起佢響Ｓtand Ｕp入面0的表情就頂唔順　　 　　睇反應啦，如果一致好評0既有時間都會睇下．．．     　　反而土⑧《BLOODY MONDAY》有興趣睇下，Ｃast欠奉，勝在內容吸引♪ 　　全劇由漫畫改編，講述恐怖份子折原マヤ（吉瀬美智子）由俄羅斯取得病毒 　　目標令全日本受病毒感染，計劃代號「血色星期一」 　　佢先殺死俄羅斯派黎追捕佢0既特務，後潛伏響彌代學院成為生物教師 　　但學校其中一位高二學生高木藤丸（三浦春馬），表面上係新聞部部員 　　實際上係代號「獵鷹」0既天才駭客，並隸屬公安反恐組織「THIRD-i」 　　於是響平靜0既校園內，上演一幕幕驚險0既鬥智鬥力 　　聽落好似幾刺激～期待中！！